【本報訊】有網上流傳短片，一名男子疑取走多份《蘋果日報》，然後將報紙丟進回收箱。及後有善心人從回收箱內取回《蘋果》，並批評藍絲行為自私和不智。
網上片段所見，事發地點在上水新都廣場對開。一名男子將大叠《蘋果日報》丟進一個回收箱內。拍片者看不過眼，上前質問對方：「你又唔係睇，又要丟晒啲嘢（《蘋果日報》），咁嘅你做人點解？點解你可以咁自私嘅，我唔明點解你可以咁自私囉，你唔睇都唔使買晒甩晒呀，先生？」四眼男子未有理會，轉身離開，有網民質疑他擅自取走熱心人在公眾地方留下來贈給街坊的《蘋果日報》。
斥行為自私
記者其後在上水現場了解，有街坊稱，有善心人從回收箱內，把被丟棄的《蘋果》拿出，再放在回收箱頂，其後所有《蘋果》被途人逐一取走。
有上水街坊對蘋果日報大樓遭香港國安人員高調入內搜查，感到痛心，「始終香港本來都係一個比較民主地方，個個人都有佢哋意見，但無端端俾人搞，好唔開心，好失望」。他們批評丟報紙的藍絲行為不智，如果報紙是他付款購買，則更加反智，要替《蘋果》「多謝佢」，幫助刺激銷量。
街坊林先生亦批評該男子行為自私，「如果係佢買都OK嘅，可能佢都想支持，只係佢用第二樣方法，唔想畀人知呢」。街坊劉先生則指，難以理解該名男子的行為，相信對方為反而反，「純粹係丟咗啲報紙，唔畀人睇」。