小米（1810）主席雷軍（圖）人如其名，一向都夠「雷」，但昨日喺小米十周年演講會上，終於認「低威」，對2013年和董明珠的「十億賭約」認輸。
話說當年王健林與馬雲亦有賭局，仲要爆紅，有人提議不如佢同董明珠又賭返鋪，最後他同董明珠決定打賭五年之內小米收入能否超過格力，當初只是話賭1蚊人仔，刺激下氣氛。不過，董明珠開玩笑似乎玩大咗，一上枱就賭十億，雷軍當時就頭暈暈，覺得好誇張，冇幾耐就成為社會熱點。雖然佢冇當係真，但董大姐為人認真，得閒就「關心」下小米，結果到了2018年，小米營業額確實輸了給格力。但最戲劇的是打賭結束的第二年，即是上一年，小米營業額超過了格力。
後來雷軍想起和人打賭，就非常後悔，因為帶來煩惱，他亦覺得自己當時信心太爆棚了。所以華華覺得講嘢都是唔好太雷氣，否則傷的是自己，何必呢。
李華華