追看樓上李碧華小說，唔知那位自圓其說「魯迅都係筆名」的，會不會冒充，一邊爆咪一邊忍唔住，寫呢啲咁嘅：
……當七姐被問起家人，眼皮狂跳，強保鎮定回答：「想干預我保護屋企人，係唔會得逞。嘿嘿。」主持人收貨，七姐回到半山大屋，鑽入臥房輕輕撫摸那隻特大凍櫃，自詡事不避難的女人爆喊：「都叫咗你地，唔好挑戰我的威權㗎啦。」想起當日兩仔爺挑機，指出引入國家隊做檢測，實質是將健康碼套路照搬，市民有碼放行，無碼不行，全民受1984式監控，講半句唔啱聽的話，直接扣減信用評分，地鐵都唔俾你嘟入閘。「這統統是廢話！」七姐盛怒之下向兩仔爺無情力一推，兩人火星撞地球撼埋凍櫃，不幸斷頸，無可疑。將兩條鹹魚扔入去九年前紫微大師教路臥室必佈的升官風水局凍櫃，過咗平靜的幾星期。不過孻仔似乎收到大仔「家有急事」的提示，失聯冇影，有景轟。
後患未除，七姐眼眉依然跳個不停。手機此時響起，最痛恨的joker男音說：「你間房暗藏機關，我睇晒直播了，借你個凍櫃用吓。」七姐大驚，對方解釋：「是咁嘅……我也要急凍屋企的龍蝦！」