What a joke！就得咁多？689的fb心聲，可見其心理的酸鹼度嚴重失衡，用力吃奶補救係冇用㗎。美國制裁11人，689是第12人，圍外驗屍般檢測，真係冇見到自己上榜，幾個港英餘孽竟然與西環張公駱公齊名，有冇搞歪。同一時間，姓李的反骨新仔竟然質問「點解冇張司長？」鄭市長唔俾關愛隊優先投票，擺明冇敬老孝心，這個姓李的更加契弟，觸動司長的抑鬱，這幾日愁對名單，摸住左邊屁股，撫慰玻璃化的那一顆愛國心，悲情感受到，自己連PK都不如，做硬condom。真係因為唔夠愛黨嗎？一心落場頂美國佬頭槌，當刻卻被調走，迫坐山頂位觀眾席，唔食藥瞓得着都幾難。
自視比陳智思的PEP高幾班的葉劉，更憔悴。唯有寄望美國有第二波保就業，喔不，保制裁方案，光榮上榜，向習帝表達，就算殉葬也在所不辭，向自稱主動註銷美國簽證的好姐妹示範，感恩黨，撕毀簽證兼跳海先似樣㗎嘛。國際線有消息指，葉劉與689還要再等吓，制裁就算有第二波都係益選舉主任、大波石以至菠蘿工會。要角做唔成，葉劉與689兩位joker，繼續喪笑。