【本報訊】旺角鬧市人氣台灣麵店，從前每晚做300枱客，店外大排長龍，現時每晚最多只接到30張外賣單；另一間大圍越南食店亦只靠做外賣維皮，有飲食業人士指，若疫症持續，禁晚市堂食令一再延長，估計7至8月飲食業損失達120億，十分慘淡。
旺角廣華街的阿木台灣麵是人氣食店，但禁令下同樣面對極大困難，老闆葉先生指，上月中禁令實施以來，生意較之前大跌五成，跟疫情爆發前比更是大跌九成。
一街19食店 僅6間營業
「以前我哋一晚可以做成300張枱，𠵱家一晚得20、30單外賣。」葉先生指現時主力做外賣幫補，但比起不能做外賣的食店已算幸運，他指廣華街一帶不少餐廳都選擇停業，「我哋都叫做有幾十單，嗰啲火鍋、燒烤店仲慘啦，你睇隔籬間燒烤店已經冇開兩個禮拜。」當晚所見，全條街有19間食店，但僅有6間仍然營業，從前人龍處處的廣華街一片死寂。
葉先生指由於食物原本賣得不算貴，實在沒有空間再減價，惟有另闢蹊徑，在店舖兼賣特色台灣食品如台灣即食麵和零食等，又自製鳳梨酥，務求「幫補吓」，希望殺出新血路。
生意雖然慘淡，但他盡量安排餐廳員工全員上班，盡量不「cut鐘」：「始終佢哋都係靠呢份工食飯，希望可以共度時艱。」他批評政府限堂食令朝令夕改，特別是之前禁全日堂食，但一日之後又撤回，變成准許有限度日間堂食、晚間堂食仍然禁止，令社會大眾根本無所適從：「突然話淨係准外賣，到我哋預備晒啲嘢（做外賣），又突然話放寬，我哋又要搬返走。」葉先生批評政府死不封關是爆疫根源，但卻對飲食業多次開刀：「最大個問題唔係禁一日定禁半日，係關口檢疫。」
香港餐飲業協會會長黃家和對飲食業前景不樂觀，他指晚市禁堂食令自7月中實施後，當月飲食業錄得50億元虧損，現時禁令延至8月中，若之後疫情仍未受控，預測8月飲食業可能錄得70億元損失，生意跌幅達八成。