麥凱程回法國後，起初抑鬱症依然嚴重，他謂：「嗰時依然乜嘢都驚，連去街買餸都驚，怕接觸人唔想聽電話，初時屋企人見我冇咗以往嘅開朗性格，都唔知我乜嘢事。」除了抑鬱，Alex亦可能因在港工作壓力大，令背脊不適，身體問題多多，最終Alex在當地接受心理醫生治療，目前仍需休息。他未有找新工作，不過因已遠離香港的新聞及警暴消息，他的情緒已逐漸穩定下來，閒時還幫家人打理生意及餐廳。
Alex一有時間就相約好友見面，四處遊玩放鬆心情，他笑言：「見返老朋友及大學同學，佢哋只係知我喺一個好遠嘅地方發展得幾好，但佢哋唔了解我呢幾年離開咗波爾多發生咗乜事，𠵱家返嚟就好似同佢哋講故事。」
Alex曾和李綺雯傳緋聞，但他強調大家只是合作過幾次的普通朋友，對方亦曾傳訊息問候他，不過Alex表現冷淡：「佢有message支持自己，但我冇特別回覆，唔想俾人覺得same same，大家係好唔同睇法。」