6月28日遊船河，與懷疑被感染的7月18日相差太遠，同船諸君如若近期發現被感染，當與我毫無關係。
確診消息傳出之後，足足三個星期之前同遊船河幾位船友可能年事過高，恐慌自己屬於染病高危人士，惶恐不得終日，在群組中求神拜佛不單止，咒罵不絕：明知自己中招就唔好出嚟啦，想害人咩？（明知自己中招？真係新鮮）合照 Post上Facebook分明有心靠害⋯⋯等等。
絕大部份群組中人皆非玻璃心，留醫期間問候不絕，還在群組中代為解釋：發神經，遊船河離開鄧生確診超過三個星期，咪咁癲啦！人哋影Selfie夾硬打尖盡量靠近合照，難道鄧生迫你？只怕人家沒Post你存在的照片咋？再說，不過路人丙、丁、戊，媒體不識，與社會各界無尤，都唔好睇得自己咁巴閉⋯⋯
冇人認得你㗎！係呀係呀，無需擔心，冇人認得你㗎！為免過份恐慌，在下立即將所有近期Post全部Delete，社交平台上如有交往，也可一併Unfriend不留痕跡⋯⋯不過請先告知閣下姓什名誰，記憶其實只餘少少臉容印象，其他一概陌生。雖然曾經同船，關係連路人甲都算不上，只屬丙、丁、戊。
7月24日自我反省前往檢測，同一天確診，留家四天等候床位入院治理，另加 7月19日之後，患感冒，為免影響同伴，留在新界家中休息足一星期沒接近。除家中印尼姐姐及檢測醫護人員，沒跟任何人近距離接觸。
落筆？以資證明路人某丙、某丁、某戊跟我絕未過從甚密，無需擔心被迫入住火炭駿洋邨或相關隔離營。疫情嚴重風聲鶴唳草木皆兵，無需旁人勸勉，自知別人眼中；中招確診者猶似發麻瘋，HIV Positive，出院後留在巿區家中足不出戶，免留村中引起村民恐慌，足足一星期後才回來，早出晚歸盡量做個夜行俠。旁人如何看、如何評價與我無尤，好友訪問：可會覺得自己黑仔？沒可能，浮生諸事一些重一些輕，一些表面創傷都不及內心深處的傷痕，無人夜深汨汨血流成河；永遠不會認為自己黑仔，因果輪迴自有前因後果，怪責將病毒傳染給我的播病者至無稽，誰人想被感染？有幾人明知自己染病再轉染他人？
活在今天，作為地球人，與世界人物事共存，病毒浪潮蓋過來，有人幸運，有人沒那麼幸運，如此而已。相對路人丙、丁、戊，我家大姐、鄰居華嫂將湯水食物放我門外自取。老友記子群、艷芳、Bubu、Dean、Connie、阿柏、阿敦、阿光、娣姐、于教授⋯⋯及同伴輪流提供粥粉食物藥茶，弟婦遠在多倫多也托她的同學煲湯煲藥；子群家與聯合醫院近，帶同蘋果日報酸奶雞蛋天天來。
當不少人面對病情嚇得患上抑鬱症，家人朋友隔離十萬八千里避而不見，老友記們卻不辭勞苦，直奔人人眼中的「麻瘋村」送炭，那感激、感動啊，何止無言？簡直一生一世！