【本報訊】有營養師指，隨街進食固然環境欠佳，在這種環境下進食還會令人不自覺加快進食速度，除增加胃部負擔，大腦亦來不及發出飽腹感訊號，隨時令人進食過量，情況持續恐會導致肥胖。有醫生則認為，政府應提供合規格環境，解決市民夜間搵食難的情況。
速食令人難覺飽腹
營養師魏嘉漣（Karen）分析，進食環境及坐姿並不影響營養吸收，然而，「坐姿唔好，或者喺唔理想嘅地方進食，通常唔會想食好耐，想快啲走，想拿拿聲趕食埋佢！」因而令進食速度加快。
Karen提醒，此舉反而會令人於過度飢餓下食得更多，例如「餐與餐之間你頂唔順，會有衝動想食薯條、雪糕等高脂肪、高糖份嘅食物。」長遠來說反而增加脂肪吸收及出現肥胖風險。
對於街邊開餐，食物伴隨灰塵等污染物，Karen估計對食物並無直接影響，但要留意的是食物若經長時間放置於高溫環境下，會令部份營養素如維他命B及C流失，「呢啲營養素對增加身體抵抗力好重要，特別係呢段時間，疫情下更要增強抵抗力。」
醫學會會長蔡堅指，市民隨街開餐，甚至多人「排排坐」，除有染疫風險，亦可能患上腸胃炎。他解釋，街邊開餐易令食物黏上灰塵、病菌等，市民進食受污染的食物後，即使不感染武漢肺炎，亦分分鐘可能患上腸胃炎。蔡堅提醒，市民別誤會躲於街中一角，例如：後巷、後樓梯，可避過染疫風險，「其實嗰啲地方更加唔衞生。」