【娛樂圖輯】靚媽速遞

陳凱琳同黎姿係圈中公認靚媽，陳凱琳細仔Yannick出世過咗12朝，佢跟足傳統向親友派薑醋，薑醋上仲印咗老公鄭嘉穎姓氏「鄭」字，而不時在社交網分享湊女日常嘅黎姿，噚日就化身美甲師，同三個寶貝女兒搽指甲油。

清純少女

噚日陳法拉喺Ig貼出十幾歲嘅童年相，嗰陣法拉已經好靚女，冇化妝都仙氣逼人，唔怪得紅到去外國，最近佢拍HBO新劇《The Undoing》預告出街，見證佢進軍荷李活。

素顏𢱑撈

日前剛滿55歲嘅曾華倩，噚日喺微博貼出自拍照，相中的她又白又滑冇皺紋，曾華倩留言話，休息好耐係時候搵嘢做。而「Ball后」薛芷倫近日不時拍片示範煲湯水，不過佢多數用濾鏡拍攝，凸顯尖尖下巴，俾網民狂留負評。