無綫電視城昨日驚爆失守，台前幕後人心惶惶。停工避疫兩周的薛家燕上周在電視城錄影，她昨日回覆《蘋果》說：「星期二要再返電視城錄影，我要了解吓呢位導演到過邊啲地方，公司可能都會有安排，佢哋都會緊張！我問緊一間消毒公司仲有乜嘢法寶，我訂咗消毒咪，訂咗四個畀主持人。」
昨晚返電視城做《東張西望》的朱凱婷表示：「冇話擔唔擔心，無論點情況都要超小心，始終我屋企仲有小朋友。」無綫為主持出鏡好看，分配他們戴透明口罩，但這些口罩未能阻隔細菌，問到朱凱婷會否再戴透明口罩出鏡？她說：「要睇公司安排，其實廠內兩個主持戴透明口罩，工作人員都戴外科口罩，距離我哋都遠，我返公司開會到出鏡都係好少除口罩。」身為兩女之母的黃婉曼今日也要到電視城錄影新節目，她昨日回覆《蘋果》說：「我都擔心，好恐怖咁，我都會全程戴口罩，同掛住空氣清新機。」
