現年86歲的黃夏蕙昨日在fb報喜，她居住在美國三藩巿的外孫再做爹哋，即黃夏蕙再做太婆。夏蕙姨昨日回覆《蘋果》：「孫仔三年抱兩，已有個大仔，添個女湊成好字。希望疫情快啲過去可以赴美探曾孫，會送BB玉扣保平安。」夏蕙姨輩份高，昨日就以長輩身份在Ig向前日涉酒駕的楊明作出勸喻，她留言：「身為公眾人物，疫情期間有燉湯唔飲，去飲酒，仲要玩醉駕！咪搞到個社會添煩添亂！我身為長輩，擺明係正面教訓你！」
另外，莊思敏昨日傍晚6時許獨自駕車往石澳男性朋友家，記者問她楊明情況如何時，莊思敏雙手合十說：「OK嘅，所有關於楊生嘅嘢我都唔方便回答，唔好意思。」問他妹妹莊思明心情如何，莊思敏說：「OK嘅，等佢哋自己回應番啦，等佢哋平復啲先啦。」問楊明與胞妹在家中有否嘈交，莊思敏搖頭說：「冇呀冇呀。」記者追問楊明究竟有沒有飲酒，莊思敏表示留待當事人回應。
