「管有適合作非法用途的工具並意圖作非法用途使用罪」，條罪名又長又噆，屬法庭「常客」，見報頻繁。最新一樁，件「非法工具」原來又係六角匙。
叫人別陰謀論、感受中央關愛的鄭市長，明就嗤之以鼻訓斥市民，暗裏要瞞住阿爺擺平美國具名制裁11 +。冇奶媽個英國護照保護、背囊被搜出六角匙的少年，還押N日。條六角匙只係一條鐵，何以黑警的陰毛，喔，陰謀論，上晒頭，欲加那條罪，長過長隆動物園呢。
市民雞手鴨腳扣喉做「咽拭子」，唔得閒問，中山公園海濱有冇洗頭艇速遞閣下的檢測報告。萬一黑仔遇着擺烏龍，撈亂個樽食了送中死貓，搵邊個打救？
為拎港府一萬蚊爽手俾資料的四百多萬香港居民，兩星期後會否以同樣熱度參與挖喉行動？經深圳灣口岸拖喼走佬那一批，不了！大波石團夥，候命補位。學校熱烈被響應無可避免，20萬公僕聽命充撐，場面必然感恩到喊。不過，擔憂坊間的失智老人（像姓梁那位）搞不懂拭子，誤信偉強同志的菊花形容，是指樣本瓶那支棍狀物。撩吓攪吓，火眼實驗室徵用的中山公園，難保屎眼塞！身懷六角匙有罪，咽拭子一樣可作非法用途，睇個官身有冇屎，點搞。