鍾舒漫（Sherman）下月底將離開效力15年的英皇，大前日她在私人fb發文，爆被行內人呃錢：「我俾行內人呃咗錢，錢唔係問題，但我真心唔想姑息養奸，想問可以點做。」事後她原本打算只是私下向友人求助，卻有好友cap圖通知傳媒，令事件曝光。
Sherman昨晚凌晨在社交網拍片交代事件，片中她先澄清被騙的數目是五位數字並非報道中的六位數字，她坦言五位數字並非大數目，今次事件反而是感情受傷，提到睇錯人，她難過地說︰「感覺好差，因為涉及同我有感情嘅朋友，對我嚟講係出賣。」又提醒大家香港現時很艱難，很多人想創業，但做生意要注意︰「首先要搵啱partner。同開波前要白紙黑字講定點樣合作，幾熟幾親都係，呢個係合作嘅尊重，同埋最好用文字溝通，將來意見分歧都可以有根有據。」她又無奈地說︰「我哋要多角度睇嘢同思考，咁就未必造成關係破裂。」
對於被騙的款項，Sherman已打定輸數，但不能姑息對方︰「我將感情擺錯位，情緒係有，錢就一早放棄，我唔係寸，金額唔大，五位數字對好多家庭可以用好耐，唔係錢大細問題，我唔想唔啱嘅事由得佢。」至於「行內人」的身份，Sherman坦言很多朋友勸她要公開，為免有人成為下一個受害者，但她透露目前已交律師處理，更不想將「錢債案」擺上枱：「第一，我真係麻麻哋想畀外界人知，呢啲事上咗傳媒，就變咗錢呀、罵戰呀，好肉酸，我好驚肉酸㗎，我覺得好肉酸呀，唔鍾意。」她表示事件牽涉圈內人，因此一直想低調處理。
不過，Sherman慶幸自己有其他小生意，合作夥伴都是認識10年以上的朋友，只是首次受騙。最後她在片中語重心長說︰「有人盔甲着錯咗，曾經被人呃，於是就以為呃人至可以生存，人生好唔開心、辛苦，我希望嗰啲主角可以變返純真嘅自己，做人磊落最開心。」妹妹鍾舒祺以英語留言打氣︰「不要讓愚蠢的人出名。」好友江伊晴（原名江若琳）及鄧穎芝亦表支持。
