【爆相爆片】
農夫成員C君（鄭詩君）日前與DJ老婆黃天頤拍拖去荃灣街市買餸，他全程拖實老婆晒幸福，被讀者彭先生透過「爆相爆片」分享。武漢肺炎爆發第三波，加上禁堂食，好多人都買餸返屋企煮飯，當日下午2時許，街坊裝的C君與戴草帽的老婆被讀者彭先生認出，彭先生在電話說：「嗰日喺荃灣街市附近，見到佢拖住老婆行入街市，佢哋先去菜檔，連菜檔阿姐都認到佢，但講唔到名，C君：『你咁犀利，戴住口罩都認到。』菜檔阿姐：『梗係認到你，你咁紅，成日上電視。』」
買完菜之後，兩人去隔籬檔買臘腸，阿姐又認出C君說：「我晚晚睇你㗎。」變了街市紅人的C君心情靚爆，拿着一大袋餸菜與老婆離開，望清楚沒有車才拖老婆過馬路，讀者都讚他是正宗暖男。
