森美和黃翠如主演的劇集《過街英雄》，因前日得到梁振英在facebook轉帖，劇未出已引來黃藍陣營網民熱烈討論，連登起底組亦發現《過街英雄》劇中藝人的角色名，竟然和多位建制派議員的名相似，其中飾演森美爸爸的于洋，就叫「唐樹根」，森美媽盧宛茵就叫「元麗芸」，森美叫「唐亮星」，黃翠如叫「宋凱甄」，不難估到角色名「參考」哪位建制派議員。
《蘋果》昨向《過街英雄》編審張宗齊了解，他說：「咁啱得咁蹺啫。」有指建制派不滿被玩，張宗齊說：「成件事其實只係茶杯裏的風波啫，不如你打畀監製問啦。」于洋在劇中飾演角色唐樹根，名字似取自民建聯成員鍾樹根，他回應傳媒時說：「部劇拍完好耐，個名係乜嘢我都唔知囉！」對於引起建制派不滿，他說：「我唔知喎，我都唔理呢啲，我哋啲老人家演好個劇就足夠，其他唔理咁多。」