57歲的呂方2013年與擁有半億身家兼「網絡買餸天后」、41歲的伍惠寶（Rainbow）拍拖，兩人拍拖七年，今年造人成功，在5月時爆出呂方與Rainbow拉埋天窗，昨日呂方榮升父親，太太Rainbow順利為他誕下B女。讀者鄧先生向《蘋果》報料，指昨早在浸會醫院陪太太生B時，於產房外撞到也剛為人父的呂方。鄧先生說：「我今朝喺浸會產房外撞到呂方，佢喺我隔籬，當時大約朝早9點半，佢個BB應該剛出世，我聽到佢話女大18變，我估佢應該係生女。𠵱家疫情關係，家長冇得探BB，姑娘都唔會推佢哋入媽咪病房。」
呂方老來得女，還是前世情人，肯定對囡囡錫到燶。《蘋果》昨日致電呂方，但電話已熄機未能聯絡得上。