由內地插畫師「禾野男孩」二創的同人漫畫《哆啦AV夢》近日熱爆互聯網，作品含有色情及同性戀等元素，當中胖虎的對白「小夫，我要進來了」更成為網民潮語，二人的HeHe舉動亦成為熱話，甚至有人製作配音短片，也有人製作通訊軟件貼圖瘋傳，討論度相當高，吸引不少娛圈藝人湊熱鬧，杜汶澤欣賞過後更揚言：「細細個已經feel到佢兩條x街有啲嘢」。
近日於網上瘋傳、由日本經典漫畫《多啦A夢》改編的同人漫畫《哆啦AV夢》，是出自內地插畫師禾野男孩的手筆，其實已推出有兩年，但近日新出內容描述多啦A夢協助大雄報復小夫，欲令小夫爆大便失禮人前，卻意外揭發小夫與胖虎兩人搞同性戀。由於內容色情及硬將卡通角色加入同性戀元素，顛覆經典角色的既有形象，令不少網民紛紛大叫「我接受唔到呀！」不過越怕睇越忍不住睇，作品日前開始於各大社交平台瘋狂洗版，有網民更把漫畫製成短片，加上廣東話配音，亦有網民自發為它製作通訊軟件的貼圖，當中作品內一句「小夫，我要進來了！」還火速變成潮語。
作品熱潮席捲網絡，連日來不少藝人已相繼閱讀，陳家樂前日都在Ig上表示自己不小心按進去欣賞，更大為懊悔留言說：「唔小心睇咗《哆啦AV夢》，help！好後悔呀！」不過有網民指出，其實不少網站都已經將《哆啦AV夢》封鎖或下架，不相信陳家樂觀看屬「唔小心」。
而一向對網上事件反應極速的杜汶澤，日前已在fb上發表觀後感：「好彩我夠老，唔知邊個係小夫，淨係識牙擦仔同技安啫！」他又指：「原來保護童年回憶，最重要係年紀大。不過我細細個已經feel到佢兩條X街有啲嘢㗎啦，唔係牙擦仔又點會咁牙擦吖！一定係有人響佢後面……撐腰啦！」莊端兒則在留言下回應：「技安不嬲撐係佢後面！」
至於曾主持多年兒童節目的蓋世寶，昨日接受《蘋果》電話訪問就話：「噚晚朋友send段片過嚟我睇咗，我睇叮噹大，我覺得段片幾好笑，攞啲便便嚟惡搞。」當記者指出當中涉及同性戀內容，她卻大感愕然：「吓？係咩？我完全睇唔出，其實大家都唔使咁認真，我反而覺得啲對白好得意，當然唔建議小朋友睇，因為有粗口。」而曾志豪昨日在《蘋果》專欄亦有講起《哆啦AV夢》，不過他着重講作品引起的政治風波，昨日再接受《蘋果》訪問時表示有睇開《叮噹》︰「今次真係好小事，唔知點解可以變大新聞。」二創《哆啦AV夢》的禾野男孩，其實一直有於網上二創18禁漫畫，亦不理改編熱門漫畫涉嫌侵權的界線，以同性戀為題材繪製過類似《哆啦AV夢》風格的漫畫。
《多啦A夢》為日本漫畫家藤子不二雄作品，自1969年起連載，深受全球歡迎，內容講一隻來自未來的機器貓，用各種未來道具幫助主人大雄解決問題。《多啦A夢》前名為《叮噹》，除主角叮噹外，角色起初中文譯名分別為大雄、靜宜、牙擦仔阿福及技安，並由雜誌《兒童樂園》所起。不過至1996年原作者病逝，日本版權擁有者希望亞洲地區統一改以日本音譯，叮噹從此叫多啦A夢，技安變胖虎，阿福變小夫，靜宜變靜香，大雄仍叫大雄，內地及台灣使用《哆啦A夢》，但香港則普遍沿用沒有口字的多。原作者曾提到對多啦A夢造型的靈感，是來自「不倒翁」和「野貓」，而「多啦A夢」的日文意思是「紅豆包的守護者」，亦即多啦A夢最愛吃的銅鑼燒。