37歲的陳積榮在無綫拍劇兩、三年來都是演閒角，之後過檔HKTV拍《惡毒老人同盟》飾演李楓的敗家仔，他的哥哥是知名武術指導陳中泰。陳積榮前日突然拍片公開自己患第四期肺癌，他哽咽說：「報告顯示我左邊下肺出現咗個6x5cm。屬於第四期肺癌，已擴散。」他希望獲有心人的經濟援助，因標靶藥昂貴，每月動輒要數萬元。
陳積榮昨日向《蘋果》透露今個星期開始電療：「真係晴天霹靂，其實我好健康，唔食煙唔飲酒，每周打一次籃球同踢波，今次係上天畀我好大嘅考驗。醫生話最壞情況得返半年（命），但我知心態好重要，𠵱家每晚10點就瞓，有乜療法如太極、氣功，我乜都會試，唔會放棄。」