【爆相爆片】葛民輝一家受武肺爆第三波、食肆食堂每枱只限坐兩人影響，食飯要分枱坐。讀者張先生透過《蘋果》「爆相爆片」報料，指剛過去的周日下午1時，於銅鑼灣一間cafe見到阿葛一家三口開餐。張先生表示最初以為阿葛與太太撐枱腳，未幾才發現其25歲兒子Jabez坐隔籬枱：「阿葛太太坐坐吓突然走去隔籬枱坐，我先知佢個仔喺度。」
而家庭日的前一日傍晚6時許，阿葛駕車返觀塘寫字樓，問到其潮店生意如何？阿葛搞笑說：「梗係勁！」之後無奈說：「個個都陰功。」問有何對策時，他笑說：「睇多啲《蘋果日報》，個人就會理智啲。」問可有甚麼勸喻給政府？他說：「政府邊度有得勸喻，聽政府話㗎嘛！」
