文雪兒大女張筠前日28歲生日,佢喺Ig貼性感靚相,為被網民質疑年紀大入行抗辯:「我確實比很多人晚起步,但我覺得不需因社會既定嘅角色而對年齡太介懷。」更話要將事情做好,令自己優雅咁老去。
謝東閔噚日喺Ig story貼出佢同朱智賢同三隻狗仔嘅「全家福」,看來已徹底原諒女友今年4月背住佢同人夫黎振燁交往。
今日55歲生日嘅錢嘉樂,噚日被誤傳確診武肺,佢即公開上星期開工嘅相,稱「冇事,在家中」,太太湯盈盈話:「啋,點解會咁傳㗎?佢日日喺屋企用zoom開會。」
林奕匡前日喺社交平台話做完矯視手術,仲公開手術後包住雙眼嘅相,驟眼睇造型似鹹蛋超人,佢話拆紗布後25年嚟未試過睇得咁清楚。