經紀A是我的偶像，當年公司年度頒獎禮我坐在台下聽他演講，並頒獎給爆數的同事，叱咤風雲！年薪過百萬？應該說幾百萬。提起他，因為幾個月前，地下鐵碰着他，就咁吹咗一陣水，現在是一位投資者的助手，底薪3萬元。由天堂折返人間，原因是太鹹濕。
是真的，男人有錢就身痕，尤其是月月賺6位數，還要持續好多年。當時好多同事都發現，每逢黃昏，他就失蹤，究竟何去何從？有天我約客人在尖沙嘴食飯，泊車之際，看見他鬼鬼祟祟走進一個商場地庫。當時我年少無知，不以為然，回到公司跟某某吹水，講起此事，沒料到某某竟回以「佢又去叫雞」的答案，還說「好多同事都親眼睇住佢去叫雞，哈哈！」後來得知那兒更是專門提供「幼幼」的俱樂部。醜事之所以傳千里，是因為被人撞破太多次。試問男人又有邊個唔甜，但甜到街知巷聞就……。
他形象插水，就連老闆都覺得他影響公司聲譽，有傳老闆照肺希望他「唔好咁揚」，惟屢勸不改。傳統智慧有所謂衰開有條路，及後適逢一次成交低潮期，交不夠數就成為老闆滅口的藉口，最終他因為業績欠佳而被炒魷，隨後他建立的爆數團隊今天已各散東西。
各位師兄！若要人不知，唔好張揚，共勉之。
小師兄