為刺激消費，唔少集團推出積分計劃，喺香港經營多個飲食品牌的牛奶公司，早前推出獎賞計劃「yuu」，覆蓋旗下包括惠康、萬寧、7-Eleven、IKEA、KFC、Pizza Hut、PHD等超過十個品牌，消費可透過程式統一賺積分。不過，網上盛傳yuu是用來「維繫怡和及美心等集團的利益」，又指發現其官網主伺服器位置在大陸地區。
華華問過牛奶公司，佢哋話yuu的客戶資料及交易記錄係存放於香港的數據中心，而客戶聯絡資料另存放於德國的Salesforce數據中心。華華再睇yuu的資料，今次計劃未包括由牛奶持有50%權益的美心集團及旗下所有餐飲品牌，包括星巴克、Shake Shack及東海堂等。
近排大家最驚就係個人資料「送終」，若唔喺澄清上下多啲功夫，睇怕個積分計劃有幾筍都彈唔起咯。