【本報訊】本港昨新增80宗武漢肺炎確診個案，是13天以來首次低於100宗，累積個案3,590宗。衞生防護中心傳染病處主任張竹君表示，要觀望多幾天，才知疫情是否有下降趨勢，呼籲市民切勿鬆懈，以免個案反彈。家庭聚會成為最新高危群組，有個案「由祖母去到孫去到姨媽姑姐」互相傳染，整個大家族全部確診。
張竹君表示昨新增80宗確診個案，初步確診有50多宗，是上月22日以來，單日確診首次低於100宗。確診宗數「好似低咗」，但整體仍然很高，回想以往只要出現一、兩宗確診個案已經很緊張。個案數目會有浮動，要再觀望多幾天，才知是否有下降趨勢。
她呼籲市民切勿放鬆，很明顯只要市民一放鬆，個案就會增加。「問返啲個案就發現，前一輪好緊張，一放鬆真係好多活動，好多家庭聚會，好多食飯，好多個案成個家庭，由祖母去到孫去到姨媽姑姐全部都變咗個案，暫時要忍耐一陣，起碼等個案跌咗落嚟先，如果真係跌到嘅話。」
80宗新增個案中，44宗與家人有關，24宗個案暫時未找到明顯源頭。與家人有關個案不少是大家族聚會或聚餐，「潛伏期內親戚朋友去屋企聚餐，一堆人咁，跟住呢個感染嗰個，有啲係老人家去湊細路，或者細路仔去搵老人家，有啲一家住好多人，一個感染就一堆感染，成家人去咗急症室」。
梁子超：未能斷定疫情放緩
她又表示，源頭不明個案多令當局難以單靠個案追蹤遏止疫情，「冇源頭個案我哋問勻晒屋企人，或去過嘅地方，都唔似係高危地方，即係佢係不知不覺，唔知點惹咗，可能喺街度或去過街市，咁樣惹到，你冇辦法將源頭壓抑，因為唔可能所有去過街市嘅人都去檢疫中心」。社區有隱形傳播鏈，要靠市民保持社交距離。
醫學會傳染病顧問委員會主席梁子超認為，新增80宗仍算是高位，未能斷定疫情回落，因社區中仍錄得多宗群組爆發。