【惡法一個月 二之二】
美國總統羅斯福曾明言，基本人權之一是享有免於恐懼的自由，港版國安法實施後，自由被無形白色恐怖肆意剝奪。縱然勢弱言輕，有人決不虛作無聲，堅持恐懼蔓延時繼續發聲。
無懼‧阿Sir你幾時坐監？
「行出街都會俾車車死，唔通你唔出街咩？」面對國安法無形威脅，教協副會長、通識科教師田方澤坦承對未來無限憂慮，因紅線似有還無，他的應對方法就是頂住壓力，「以不變應萬變」。
早在國安法殺到前，恐懼早在教師同工之間蔓延，「郁啲話老師專業失德，不合理地調查，呢年一直發生。無論教材定老師嘅社交媒體，一有位入就俾藍絲投訴，老師對教育局都失去信任。」國安法生效後恐懼再升級，由專業失德變成違法入獄，大抵沒有老師預期因教學淪為階下囚，於是產生更大的恐懼和自我審查，「行內好大部份做老師，投身教育嘅初心係因為使命，一『犯法』會被釘牌，成世個使命就冇咗。」
田方澤承認，他也有思考來年教材中，是否有內容要避免，但原來堅持傳授真理，或會犯禁的教學內容是避無可避，「都要驚踩界，例如教材講中國維權，留唔留好呢？教公共衞生，新冠肺炎冇理由唔講，講唔講係中國責任？中國𠵱家面對嘅國際處境又提唔提？會唔會話令人憎恨中央政府？」
通識老師︰勿做極權劊子手
法例寫得闊，「好似講咩都會錯」，既然難避，不如不避，「當呼吸都可以犯罪嘅時候，唔通唔呼吸？」他指國安法下「任何情況都可以踩中（紅線）」，難以捉摸的紅線反令大家少了實在感且成為笑料，「老師開會時會話，咦你中咗國安法喎！呢種講法以前唔會有。有學生更笑我問，阿Sir你幾時失業呀？幾時坐監呀？」
受疫情影響難正常上課，國安法在校內如何「執行」仍充滿未知數，「冇人敢講警察會唔會衝入去」，但他肯定不會在新學期着學生噤聲以避免麻煩，「如果同佢哋約法三章，唔好講激烈口號立場，係畀咗個訊息佢哋，原來世上真係有啲嘢係禁忌禁區，有啲權力你係要向佢低頭，啲細路會看在眼裏。」他坦承，如有學生堂上討論身份認同時表態支持港獨會是兩難，「一定唔會篤灰，但唔處理，可能係我被學生或家長篤」，擔心校方是否真有空間自行處理。
他亦指，有同工決定來年放棄自訂教材，改以教科書取代，對學生未必最好，「教師同工嘅專業受挑戰未來情況會更嚴重，但我哋最重要係以同學利益行先。」期望教師共同堅守防線，才不易被極權利用向學生下刀的劊子手。