陸駿光近年主力拍港台劇，不過去年拍《火速救兵》時，突然驚覺幽閉恐懼症發作，他說︰「第一日拍嗰陣，一着起套消防制服，戴埋個罩，突然覺得呼吸困難，好似去咗另一個空間咁，好辛苦，要即刻除返件衫落嚟，最後要適應一段時間至克服到。」
原來陸駿光患上幽閉恐懼症緣於兩次恐怖的飛機經歷，他說︰「好記得15歲我第一次全家人坐飛機去旅行，就遇上強烈氣流，突然由三萬呎跌落一萬呎，全機人都尖叫，全家第一次拖住手一齊祈禱，驚到咁！」之後又遇上恐襲事件︰「嗰次機艙突然出現兩個恐怖分子，其中一個衝咗去駕駛室，之後有個便衣警察同乘客講已經捉咗佢，我哋好驚，因為仲有一個喺座位，飛機本來去多倫多，但就宣佈急降溫哥華，當時成3、40架警車包圍我哋，落咗機我至知撞正911事件，我足足喺機場瞓咗一個禮拜，人越大越覺得死亡突然離自己好近，𠵱家我搭親飛機都有陰影。」