今年六四燭光集會被政權以防疫為名禁止，國安法同月引入香港，回歸前被視為最高危的支聯會隨時被取締，來年六四集會恐更難合法舉行。終於迎來遲了23年的威脅，但支聯會主席李卓人強調堅持五大綱領，更希望由他們帶頭「唔縮」，與市民一同克服恐懼。
對於啟動國家機器打壓，當年到北京支援民運並曾被拘留的李卓人未有特別恐懼，雖然不少人視港版國安法為洪水猛獸，但他指其實與2003年的23條立法分別不大：「當時已經知道晒對支聯會嘅威脅，我哋嘅立場都係一樣，就係反對，理據都係反對以言入罪。國安法出嚟之後我哋支聯會常委開過一次會，大家立場好一致，就係唔會退縮，唔會刪改，堅守89年成立支聯會嘅五大綱領。」
李卓人︰Plan B守護六四記憶
五大綱領包括「釋放民運人士、平反八九民運、追究屠城責任、結束一黨專政、建設民主中國」，最後兩項明顯高危，支聯會89後被北京點名為反動組織，回歸前已傳出會遭特區政府取締，但最終平安過渡多年。李卓人指，無法估計何時踩紅線，「如果去估佢呢樣可能中，嗰樣可能中，講講下支聯會唔使做啦！最差咪拉人封艇，艇就係我哋六四紀念館。」
所以，他們亦早準備好Plan B——建立網上六四紀念館，把所有相關資料、展品放到網上，就算紀念館被冚檔也不致被毁屍滅迹；而經歷一年多的抗暴運動，李卓人認為支聯會跟其他抗爭者亦終走在一起，「今年六四係好例子，搵到我哋之間嘅最大公約數，抗爭者願意點起燭光，我哋亦尊重嚟到嘅人有其他訴求、唔同口號。」他形容，香港是民主自由的橋頭堡，惟亦承認國安法帶來恐懼，「佢哋想恐懼統治香港，支聯會嘅人首先要唔縮，做畀市民睇，希望大家克服恐懼。有時唔應該硬碰，可以潛伏下，但唔好縮過頭，連生活上嘅抗爭都避晒。」說穿了其實也是be water，「都係㗎，我成日都話，要鬥長命。」