意甲國際米蘭中場波索域向來係麻煩友一名，據ESPN報道，早前佢帶咗一位大腿受咗傷嘅朋友去米蘭市內一間醫院求診，因為個傷口係咁流血，波索域想替朋友「打尖」。但係醫院拒絕咗之後佢就開始大吵大鬧，就算警察都搞佢唔掂，要等到軍隊嚟佢先知驚，惟有死死地氣同醫院道歉。早前佢因為醉酒駕駛俾人釘牌，仲俾教練干地雪藏，呢次佢大鬧醫院，相信佢都係冇運行。