山東魯能嘅費蘭尼係中超第一，講緊係中武肺，咁第二呢？就係踢緊河南建業嘅喀麥隆球員巴素高。呢位24歲嘅前鋒，喺上個月15號入境中國後喺隔離期間驗到對武肺病毒呈陽性反應，廣州市衞健委亦都通報咗，佢都被送去醫院接受隔離治療。之後河南建業喺佢個微博證實呢件事，雖然中超喺上個月25號揭幕，好彩嘅係巴素高冇同班隊友見過面同練波，佢應該唔會成為播毒黑手。