姜濤早前與MIRROR隊友邱士縉（Stanley）齊齊赴台拍劇，大前日兩人隔離期滿，出關打邊爐慶祝。昨日《蘋果》接獲讀者報料，聲稱姜濤出關即媾女，更提供了幾張Ig截圖，一名「Queena Linn」賬號的女孩留言：「我直接被一個香港明星貼，會不會太爽啦，又帥又高。」翻查Queena的Ig，發現她有紋身，頭髮更一時染紅，一時變銀，不過姜濤已取消對她的關注。
姜濤回覆《蘋果》：「噚晚做完嘢台灣工作人員叫我哋去飲嘢，冇耐有個女仔行埋嚟，開頭以為佢係我fans，佢當時叫我follow佢，嗰吓唔好意思推佢，事後覺得唔識人就unfollow番，之後就返酒店。」經理人花姐亦指︰「佢咁怕醜，唔會咁做。」