踢波「戴帽」當然開心，但係今季喺阿特蘭大踢到曉飛嘅斯洛文尼亞中場伊利錫，自從七月初賽和祖記之後就冇再為球隊上陣，有傳佢係因傷缺陣，不過有意媒話原來係因為「戴咗帽」。慘在此帽不同彼帽，係傳佢老婆俾咗頂綠帽佢戴，𠵱家佢繼續留喺斯洛文尼亞，嚟緊歐聯八強對陣巴黎聖日耳門肯定唔使預佢，仲話佢可能因為咁患上抑鬱症，又諗過會掛靴㖭，希望佢盡快振作番喇。