司機正色：「流的？你看看我車頭這『委任證』──我們有法可依名正言順，不似香港黑警拒絕出示，警賊難分。」
阿伯眯着老花眼一瞧，也不仔細，不過那真是一張勾魂使者的「委任證」啊：「原來白無常大哥，失敬失敬！」又問：「那麼林鄭柒婆又點勾落去呢？」
這就要說到「三魂七魄」了。
要知人人都有「三魂」：胎光、爽靈、幽精──元神、陽神、陰神；又即人魂、天魂、地魂。
「太深了？總之失咗一魂就唔係完整的『人』了。」
至於「七魄」，指屍狗、伏矢、雀陰、吞賊、非毒、除穢、臭肺，即喜、怒、哀、懼、愛、惡、欲，生存於物質世界中。
「三魂唔見七魄」乃錯誤口語，正確而言是「魂魄唔齊」。丟失一兩件還可苟活，但丟失三四件，就只是「行屍走肉」嗰頭近了。
所以把空虛痴呆的柒婆「的」落地府警示訓斥，是輕而易舉的。
司機笑道：「因罪孽深重，毀滅一個城，害死好多人，雙手沾滿鮮血，十殿閻王十八層地獄都不肯收，終於閻羅王畀個位佢。」
「天堂留咗位收佢噃？」阿伯回應：「怕且自己呃自己，呃埋上帝。」
懺悔後，她泣不成聲：「閻大大──」
「少來這套。」閻君嚴正：「快到終極審判，諂媚無用！」
堂前下跪毒婦道：「如果時光倒流，我只願與丈夫及二子長留英國快活自在安享晚年，從無權位虛榮，也未恃勢禍港，當一枚政府棋子而萬劫不復……」
「丈夫兒子都成人質，也將連坐受制裁。早知今日，何必當初？」
「勾過落去警誡的，都唔擺得好耐咯。」阿伯問。
「梗係，痴痴呆呆，蠢蠢鈍鈍，戇戇鳩鳩，戴口罩飲水的，都是魂魄唔齊。上過我哋電台特備節目，播出警世後，就快㗎嘞。」
司機停車茫茫荒野：「阿伯，送到呢度，你向前行，上黃泉路，過奈何橋，飲孟婆湯，一路好走。」（完）