70歲的無綫前集團行政總裁助理鄭偉強確診武肺，現入住伊利沙伯醫院隔離病房，他向《蘋果》透露上周一確診，沒病徵，懷疑在尖沙嘴酒店中招，他聲音虛弱地說：「酒店平，200幾蚊一晚，為咗方便做嘢度劇本，住咗幾晚。」而連日來留院接受治療的麥德羅，昨日接獲通知出院，他拍片報喜︰「醫生話我可以出院，聽到晴天霹靂，好似中咗六合彩，死裏逃生。」至於仍然留醫的鄧達智連日發燒，他昨日說：「噚日藥物反應厲害，今日好攰，停咗打針，所以冇發燒，但好攰冇胃口。」
另外，薛家燕主持的節目《流行經典50年》存貨只有四集，無綫預計本周恢復錄影。她為確保安全，昨日再檢測多次：「之前做過一次呈陰性，為咗返去錄影，今日我檢測多一次，等埋報告出咗先歸隊。」身在澳洲工作的楊紫瓊，四天前經檢測證實冇事後，昨日在Ig表示出發睇靚景。