【本報訊】創辦於1918年的老牌英文書店辰衝圖書（Swindon Book），位於尖沙嘴樂道的總店因欠租遭業主收回舖位，書店昨晚8時拉閘結業。不少書迷趁書店最後一日營業，到來緬懷讀者時期打書釘的時光，並拍照紀念書店最後一刻。
書店昨以清倉價買一送二出售圖書，大批市民冒雨前來書店尋找心頭好，多個書架已清空，店舖2樓則封起沒對外開放。更多市民則在門外留影記下書店的模樣。
李小姐趁最後一天來到書店緬懷童年回憶，「讀書嘅回憶，所以嚟湊吓熱鬧，因為以前讀design，都係得嗰幾間買書，讀書時會嚟睇書，但冇錢買。（執笠）都冇辦法啦，香港人又唔係好睇書，多數人用電話，都唔係好買書。」
帶同一對子女到來的陳小姐在學生年代開始光顧辰衝買教科書，「都好多年前啦，阿囡都嚟呢度買書」，她指多年來有不少學校指定來辰衝買書，可能因為多入口書，她形容這裏是很好的回憶，「好懷念呢間舖，因為真係好多年，今日專登過嚟影相。我諗結業有種種原因啦，又有疫情，同埋少咗人睇實體書。」
嘆老舖消失始懂珍惜
阿Wing小時候曾為找一本書，由爸爸特地用車載她來到書店，最終成功趕在關門前買到心頭好，對書店印象十分深刻，她指部份英文書只有該店才有售，「唔做都好可惜，香港好多老舖一個個消失，變得越嚟越陌生，可能知道佢消失先去珍惜，都要開始慢慢改變吓，舊嘅舖頭多啲去幫襯。」
昨日第一次來的張小姐專程帶懷舊菲林機拍照留記錄。她認為香港老舊事物與文化不斷消失，市民也有責任，「好似我咁，都係第一次嚟，或者好多人嚟過但唔係成日幫襯，我哋對於自己嘅文化及想保留嘅嘢都有責任去多啲關注，先有機會令呢啲嘢留低。」
辰衝被指自2016年起一直拖欠租金，業主今年5月入稟追討371萬元租金，要求收回舖位。書店樂道總店最終結業，只保留2樓作取書點及轉營網上銷書。旗下位於中環的香港圖書文具有限公司及金鐘的必發圖書有限公司則如常運作。