【本報訊】疫情令經濟及市民活動減少，改善空氣質素。《蘋果》統計香港今年首季空氣污染物數據，發現16個空氣監測站大部份污染物濃度較去年同期下降，僅臭氧輕微上升。各區空氣污染物以東涌跌幅最大、荃灣次之。有東涌居民以往飽受鼻敏感和鼻竇炎等困擾，今年罕有地沒發病，形容疫情帶來短暫的清新空氣。
市民鼻竇炎紓緩
本報統計今年首季空氣污染物數據，東涌空氣質素較去年同期大幅改善，當中二氧化硫、可吸入懸浮粒子、微細懸浮粒子和氮氧化物大幅減少三成。荃灣監測站錄到的氮氧化物和二氧化硫亦較去年同期減三成。將軍澳、大埔監測站各有四種污染物有兩成以上減幅。
住在東涌的李氏夫婦一直有鼻敏感，李先生以前要每日服食抗鼻敏藥才出門，李太更曾患上鼻竇炎，家中兩部空氣清新機長期運作。李太指疫情下內地工廠及東涌工地停工，飛機停飛，意外帶來清新空氣，「我之前鼻敏感成日都會搞到鼻竇炎，但最近我就冇囉。」
荃灣居民鄭先生同樣有嚴重鼻敏感，「朝頭早喪流鼻水，停唔到咁打噴嚏，如果你話𠵱家（疫情）呢段時間，係好咗啲嘅，總之喺街度透氣係舒服咗。」他認為疫情雖減少污染物排放，但更懷念不用戴口罩的香港。
耳鼻喉科專科醫生李立言指鼻敏感的敏感原一般是塵蟎、花粉等，空氣污染物會加劇鼻敏感病徵，污染物濃度降低，有助紓緩鼻敏感病徵，今年因鼻敏感而求診的病人減少。他又提醒有病人因長期戴口罩出現鼻敏感，因口罩內的空氣不流通，亦曾有病人因口罩內層毛粒脫落，刺激鼻敏感病徵，建議鼻敏感人士應隔一段時間更換口罩。
環保署指，空氣質素的短期變化除受排放影響，亦受到氣象短期變化影響，署方稍後會分析全年空氣數據。
【市民心聲】
李先生
「以前不嬲每日要食一粒敏感藥抵抗鼻敏感，𠵱家feel到特別嚴重時先要食，可能一禮拜食一粒兩粒就OK。」
李太
「我以前一開露台門就會個鼻好痕，會打噴嚏，一路都唔開，但係嗰排（疫情）冇開工，我哋終於可以開返度門。」
黃先生
「港島區係真係好咗，尤其係銅鑼灣嗰啲，少咗人少咗車少出街，咁係會好啲。」
