德甲拜仁慕尼黑主席路明尼加證實，中場堤亞高艾簡達拿（圖）唔續約，拜仁只要收到好價就放人。艾簡達拿2013年由巴塞隆拿投拜仁，出年就約滿，佢前排通知球會體育總監沙歷咸美錫，話自己踢咗咁多年「拜超」，係時候接受新挑戰。德媒話佢下一站好可能係英超冠軍利物浦。艾簡達拿去意已決，不過路明尼加話佢哋唔會減價賤賣。