86歲的黄夏蕙最近被男網民轉發一名女子留言：「夏惠BaBy，你的音容、笑貌永遠留在我們的心中，一路走好。」懷疑該女子發出夏蕙姨的死訊，但留言連名字也寫錯，引來不少網民悼念，令人啼笑皆非。《蘋果》昨日致電夏蕙姨，她說：「我未死，留言詛咒我嘅係老公嘅傾慕者，平時老公會出去揼骨，呢排疫情冇去，有人以為我唔畀老公出去，咪因妒成恨咒我囉。」
夏蕙姨大爆84歲的老公潘炳烈有中女傾慕，但不擔心老公出軌：「我唔綁一個人，有啲女人好鍾意黐埋人哋老公度，我老公雖然老，但有型又識揸車，好多女人鍾意佢。」又指：「我百毒不侵，不過好多親友睇到都擔心，連日接到好多朋友打嚟慰問。」