ViuTV最近熱播的清談節目《對號入座》，找來逾20名後生仔女參與，包括80年代無綫小生林俊賢的女兒林鈺洧（Denice）。節目早前以性為題目，Denice在節目中相當健談，主動大爆性史，指自己曾有5個性伴侶，更大講不同星座男友有不同喜好，讚天蠍座男友持久多花式，雙魚座男友則未除褲已完事。
林二汶與占卜師Jan Jan擔任主持的ViuTV節目《對號入座》，以12星座、塔羅牌等占星術探討不同主題。節目找來二十多名年輕人分享感受，嘉賓不時都言論大膽，夏雨兒子黃奕晨早前在節目自爆，曾失蹤三個月飛英國媾女，令夏雨嬲足一年當他透明。《對號入座》周一、周二兩集以性為主題，現年25歲的林俊賢女兒林鈺洧也是參與者，她在節目中爽直大爆性史：「其實我只係曾經同十幾個男仔約會過啫，真係上過床嘅就有5個人。」她提到5個人中只有4個不同星座，因其中兩名性伴侶都是山羊座。
收下體照唔敢再回
問到「賽後感」，Denice直言山羊座「好嘢」：「因為佢哋會重複做啲我好鍾意嘅嘢，次次都係咁做，我好開心。」Denice之後被爆最近同一名巨蟹座男仔約會，誰知對方忽然傳了一張下體相給她，嚇到不敢再覆對方：「其實我好鍾意佢，佢係巨蟹座，我暗戀親嘅都係巨蟹座，不過佢做咗一樣嘢，令到我唔覆佢，有一日佢send咗佢下體張相畀我睇，凌晨4點send過嚟，我問佢發生乜事？佢話只係想同我講句早晨。佢問我覺得點，我咪話幾好呀咁。」
周二的一集，二汶及Jan Jan講到12星座中男性那一個性能力最弱，其中指水瓶座經常以自己為先，「做完自己高潮就會瞓先」，天秤座雖然精力旺盛但持久力差，處女座則太多幻想，上到床就求其。問到嘉賓是否同意，Denice就以專家口吻，大爆曾經試過有男友連褲都未除便零秒完事，她指那位男友是雙魚座：「佢喺後面攬住我，喺度磨吓磨吓，咁跟住佢就話『呀』，完場。」眾人立刻大笑。
Denice又指那位雙魚男友有時零秒，有時得三秒，Denice曾以為對方騙她，但她拉開對方條褲檢查，又發現不是，她說：「我睇吓佢，又真係完咗，佢仲要好陶醉，大讚我『真係好犀利』。」她一臉無奈，當時只好回應對方：「好啊，好事呀。」
讚天蠍男友招式多
二汶及Jan Jan隨後提到那一個星座性能力最強，Denice立即舉手分享，她表示自己是一個好熱情的女仔，鍾意的話會好主動，並大讚一名天蠍座的男友：「佢淨係用眼神都電暈我，唔止靚仔、高大，喺床上有好多招式同持久。如果需要同天蠍座嘅男仔發生關係，係需要好大體力，佢會將你反嚟反去，翻天覆地咁，好暈，流晒汗。」Jan Jan隨後也指天蠍座是星座中性能力最強，因為天蠍座是12星座中負責管性，是專長，並指天蠍座「閂埋房門會變成另一個人」。