港府前日實施「堂食禁令」，令戶外工作的打工仔苦不堪言，要坐路邊或公園食外賣。但撐警撐港府的馬蹄露，昨日凌晨於fb留言，以「港人突然矜貴」為題，指50年代香港就有「掃街」文化，周圍食飯沒有問題：「誰會埋怨的說一啖魚蛋一啖塵？哪個香港天王巨星未試過放飯時，捧着飯盒坐在街邊吃！」又寸爆話有人︰「為反而反，極度幼稚！」不過政府昨午就宣佈今日放寬早午市堂食，每枱最多兩人、顧客數目不能超過座位一半。
另外，杜汶澤前晚在fb爆粗寸政府：「快啲搭車去食飯！到咗即刻搭返車返公司！踏九喇X你！」張堅庭看到網民貼出工人坐在街邊吃飯相留言：「讓後人知道香港曾有『蹲着的英雄』。」陶傑昨午貼出帶狗到公園開餐相後說：「一心響應特區政府，上山頂郊野公園飯盒實踐開餐令，特府轉頭即宣佈可以入返餐堂，吓？人笑，狗都唔識吠。」
