剪喉狂徒神出鬼沒令鐵騎士防不勝防，被剪斷了油門威吔或迫力油喉後，車主不僅需花上近千元維修，若未能及時察覺，更可能發生意外釀成傷亡。有車行負責人稱，雖難有完美辦法防範狂徒，但車主們只要加強保護措施，如加裝車冚及各種車鎖，即有望令狂徒知難而退：「最好就落個車冚，碟鎖、軚鎖，全部落埋佢就最好。」更安全的自保方法，是尋找有人看守的合法停車場泊電單車。
若電單車被完全剪斷了油門威吔，當然無法再行駛，但修車師傅指最危險的是「威吔」半斷不斷的狀態：「假如威吔斷唔晒，開車時冇嘢，行緊車嘅時候架車先突然冇咗動力，咁就好危險。」大坑一間車行負責人馬仔指出，若電單車在高速公路奔馳時，突然失去動力，駕駛者即有機會因而受傷，也有很大機會被後方車輛撞上。
剪迫力難煞車 易釀交通傷亡
但馬仔坦言，破壞煞車系統更為危險，「因為即使剪咗迫力油喉，開車時駕駛者可能唔察覺，到高速行緊車先發現耷唔到迫力，咁係最危險。」假如車主駛到高速公路後才發現不能煞車，即有可能失控高速撞上前方車輛，釀成傷亡。
馬仔建議車主做足保護措施，例如使用電單車車套並將車套與車輛一同鎖上，亦可改用較為堅固的鋼喉，因破壞者或「取易不取難，知難而退」。他又提醒若車輛不幸受到破壞，車主應找車行檢查及修理，避免自行維修，以免出錯時造成另一風險。