時裝設計師鄧達智上周五晚上確診武漢肺炎，其後一直在元朗家中等候，經過足足4日至昨晚8時多，終收到署方通知晚上10時左右會有白車送他到聯合醫院治理。鄧達智表示昨日狀態不佳，續有頭痛，但未入院冇治療亦冇藥食，惟有「自救」，除不時用鹽水漱口以幫助殺菌，又靠偏方用水煲金銀花、甘草飲用，一直以吃中藥頂檔，情況令人擔心。
近日有指公立醫院壓力爆煲，醫院1,200多張隔離病床幾乎耗盡。62歲的香港知名時裝設計師鄧達智，早前經醫生朋友上門做測試，上周五（24號）晚上初步確診武漢肺炎後，一直在元朗家中自行隔離等待醫院床位，經過了足足4天，至昨晚上8時多，他終收到署方通知晚上10時左右會有白車送他到聯合醫院治理，而鄧達智的同性配偶陳梓欣醫生檢測呈陰性，則早於前日入住駿洋邨隔離。
陳啟泰教穿厚衫焗汗
昨日早上鄧達智回覆《蘋果》指：「係呀，仍然無聲無息，都唔知搞乜嘢，我個工人姐姐昨晚都入埋駿洋邨，𠵱家要自己救自己，好彩今朝華嫂（華嫂冰室老闆娘）送咗早餐嚟畀我。」他表示仍然頭痛，惟有「自救」，不時用鹽水漱口，飲金銀花甘草水及食中成藥。他飲用的金銀花水製法，以同等份量的金銀花、白菊花，再加適量甘草片煲水，每日飲用三次，每次一杯。中成藥方面，他食內地「國家認可」的治肺炎方劑 「連花清瘟膠囊」，每日三次。
昨晚7時仍在家的鄧達智再受訪，聲線明顯比前兩日沙啞，他覺得自己身體狀況開始轉差，「今日狀態唔好，有點倦又冇胃口，食咗半碗素麵，已經唔想食嘢。」他續說：「𠵱家金銀花水都冇得飲喇，一直係工人姐姐煲，佢都去咗隔離喇。陳啟泰好好，教我改飲熱水，大約46至47度，好似平時飲熱湯嘅溫度，加少少鹽都得，一日飲幾杯，對炎症有幫助。」陳啟泰又叮嚀他多休息，叫他可以穿厚衫焗汗，不停出汗就不停換衫。不過早前薛凱琪有在Ig中分享片段，教偏方抗疫，包括指「喝熱水會有效殺死所有病毒」等，就受到網民恥笑訊息不正確，因為沒有研究顯示可飲用的熱水能殺死病毒。
劉少君8日後有好轉
而麥德羅和女友Apple姐劉麗萍先後確診武漢肺炎，跟二人有緊密接觸的劉少君，亦不幸中招，目前在伊利沙伯醫院留醫。劉少君昨日向《蘋果》發送一段自拍短片，交代自己情況好轉，他說：「今日係我得到呢個新冠病第8日，今朝早醫生畀咗個報告我，同我篤鼻（鼻咽檢測）得19點，直升到𠵱家有32點，照正常有35點就係陰性，已經進步好大。除咗呢樣嘢，我個肺部功能原本有花，𠵱家花就冇啦，仲有小小陰影，要慢慢調理。」
早前新城電台高層程凱欣及一名男員工確診，同在新城開咪的范振鋒日前經過檢測，結果呈陰性。范振鋒太太李思欣昨日接受《蘋果》訪問，她表示較早前未收緊限聚令時，一次與老公及數名朋友飯敍，朋友表示當日乘坐的的士司機確診，因為屬間接接觸，穩陣起見曾做過一次檢測呈陰性，不過新城出現個案後，李思欣沒有再去做檢測，她說：「我老公返新城，佢有去check，好彩老公冇事，所以我冇再check，但感覺好似同自己擦過咁，真係唔可以輕視，𠵱家收緊限聚令，限堂食，要留喺屋企多啲。」