【本報訊】豁免檢疫漏洞被專家指是本地第三波武肺疫情爆發主因，特首林鄭月娥未有理會，政府更反指專家誤解，到昨日政府終收緊防疫措施，但以往多次主持抗疫記招的林鄭沒有現身，推了政務司長張建宗做「炮灰」。有立法會議員指林鄭明顯想卸責，不想面對公眾批評。
議員轟出咗事唔見影
有記者昨於記者會問林鄭為何缺席，「有乜緊要得過出嚟解說政策？唔重視疫情？定係要迴避問責問題？」張建宗最初沒有回應，新聞官嘗試「射走」問題邀請下個提問，但記者熄咪後再追問，張才說：「查實我哋係個團隊，無分彼此。佢今日嚟唔到，唔代表我哋唔重視呢件事。」林鄭推張建宗做炮灰早有前科，疫情初期香港現口罩荒，林鄭1月30日缺席跨部門記招，由張面對傳媒質問。上周政府開記招公佈五項抗疫新措施，包括公務員家居工作等，林鄭也有出席。
立會議員郭家麒批評，當疫情4、5月放緩時，林鄭以傲慢態度堅持放寬檢疫安排，成為第三波爆發主因，「出咗事就唔見影」，形容林鄭行為卑鄙，第三波爆發令多人離世，反問政府以「人道立場」談放寬海員換班，「每條失去生命、每個搏鬥緊嘅病人，就唔係人道？」，林鄭連一句慰問也沒有。