何猷啟（Orlando）的新歡Alice Chung身份曝光後，《蘋果》連日都收到讀者爆料，昨日再有聲稱是她中學同學的Iris提供多張Alice與女仔的咀嘴相，又與閨密一齊拎T-back內褲影相，高呼：「520快樂！」相當豪放。
讀者Iris指相片攝於2014年，當時的Alice約16歲：「佢個人都幾聰明，平時每星期都係返兩、三日學，班主任會打電話或WhatsApp叫佢起身，但佢都唔係好理。」Iris續指Alice每星期都會去幾日蘭桂坊玩：「佢成日都會po相上社交網，見佢同啲friend錫晒，又喺床合照，但相信佢唔係lesbian，因為佢專食有錢仔。去過佢屋企，成房都係名牌，住公屋邊會咁有錢。」此外，猷啟前妻齊嬌昨在社交網大方留言：「孩子對我來說是最最重要的，Orlando也是一個很好的人，希望大家都不要再去攻擊任何一方。」