【綜合英格蘭外電】周日英超煞科，另一關鍵是護級形勢，在阿士東維拉、屈福特及般尼茅夫3隊只能活1隊的情況下，最終賽前排第17位的維拉作客韋斯咸搶得1分，令不敵阿仙奴的屈福特和擊敗愛華頓的般茅，要齊齊陪諾域治降落英冠。
擁有護級主導權的維拉作客已上岸的韋斯咸，雖然「槌仔幫」控球的時間較多，但較為有威脅的攻勢卻來自維拉，而基亞利殊在84分鐘射入1球，但耶莫蘭高兩分鐘後替主隊追和，最終雙方1:1完場，各得一分，維拉保住第17位，宣佈護級成功。
賽前第18位的屈福特作客阿仙奴，可惜球隊5分鐘就因奇治戴臣禁區侵犯拿卡錫迪被罰12碼，對方由奧巴美揚操刀射入，其後槍手再憑基蘭泰亞尼和奧巴各入一球，遙遙以三球領先，雖然屈福特臨完半場由隊長迪尼射入12碼，下半場再有韋碧克建功追成2:3，但最終這支曾擊敗應屆冠軍利物浦、卻在上周炒了領隊皮亞臣的球隊，難逃降班的命運。
般茅做好自己亦無補於事，賽前除要自己贏波，更要維拉及屈福特雙雙敗陣才能護級成功，今仗作客愛華頓13分鐘就憑祖舒亞京治的12碼領先，及後「拖肥」在41分鐘由摩斯堅恩追平，但背水一戰的般茅臨完場憑蘇蘭基頂入再次領先，下半場再由史坦尼斯拿斯80分鐘射成3:1奠勝，可惜他們只能升上第18位而護級失敗，來季要在英冠作賽。