何猷啟新歡Alice近日身份曝光，昨日有讀者Emily向《蘋果》爆料，指原來Alice自幼跟家人居住東涌逸東邨，中小學都就讀東涌天主教學校，不但活躍校內，甚至是區內的風頭躉。Emily昨日接受《蘋果》電話訪問說：「佢中文名原本叫鍾思佳，因覺得唔好聽，要求父母搵風水師改名，中三時改咗叫鍾雅婷。2017年考完DSE就去咗外國讀書。」
刪社交網洗底
Emily爆料指Alice初中時做私影賺外快，因擅長擺甫士大受歡迎：「佢成日好多錢使，會買好多名牌，都幾虛榮，讀書時成日換畫，男朋友換得好快，初中開始去蘭桂坊，周圍識有錢人。小六時因為唔鍾意爸媽管佢，Alice仲試過離家出走，之後父母都唔敢理佢啲嘢。」Emily又稱今年4月生日的Alice已21歲，非之前報道所寫的20歲，還指Alice有個習慣就是久不久會改電話號碼及刪社交網賬戶，今次出了新聞後，Alice亦馬上把fb和Ig全刪除，並改掉手提電話，Emily提供Alice的一批私相簿，有她的清純學生相，也有她不少跟閨密自拍照，亦見到她近年均出入高級餐廳，身上盡是名牌。
另外，讀者R先生昨日向《蘋果》爆料，指Alice在英國時不停媾仔，指她除心儀有米男友外，也要求男友身形弗兼有腹肌。R先生向《蘋果》提供Alice在英國跟舊愛拍拖的照片，其中一張竟是兩人床照，相中她躺在一名男子身邊正酣睡中，R先生在電話中說：「Alice喺英國時入讀University of Leeds，當年佢主動追求相中男仔，但拍落拖見個男仔唔有錢，只係拍咗一、兩個月就散咗。Alice好鍾意落club玩，佢見香港留學生圈子冇乜嘢有錢仔，之後就去搵新加坡同埋內地人玩。」
