【拆局】
早前多名傳染病專家均指政府豁免檢疫安排存在漏洞，認為是爆發新一輪武漢肺炎疫情的原因，但整個港府均拒接納，政府上周更發稿指專家說法是誤解，到昨日政府終於宣佈收緊抵港船員及機組人員的免檢疫安排，有政界人士指事件再次反映港府抗疫慢半拍外，更完全輕視專家科學意見，對抗疫而言十分危險，甚至一些建制中人也不滿，「佢哋覺得林鄭月娥為求證明自己唔會錯，連專家意見都唔聽，如果疫情失控，隨時連建制支持者都反對政府。」
建制派有此憂慮不足為奇，該政界人士引用香港民意研究所上周公佈的民調，認同「近期的疫情爆發，主要原因是政府入境檢疫政策的失誤」的市民中，包括建制派、中間派的非民主派支持者中，有三成半人認同這個說法，「即係話呢一輪抗疫政策失誤，已令建制派、中間派出現不滿政府聲音」。
「憑乜話專家誤解」
以他所知，部份建制中人也認同政府檢疫政策失誤，更對政府拒聽專家意見有微言，「有個建制派人士同我講，有個老街坊喺佢面前鬧陳肇始同林鄭，一個只係姑娘、另一個乜都唔認錯，憑乜話許樹昌、袁國勇（指免檢疫有漏洞）係誤解？係咪怕俾北京見到佢連抗疫都唔掂？」
該政界人士指，現在政府還要拖到周三才收緊免檢疫安排，「疫情仲係爆唔停，仲要拖多幾日，點解唔可以特事特辦？」