「2死7傷？」Polly忙問：「與我們公司或這座商廈有關？」
「有關。」同事答：「死者也很無辜。」
「在得這裏上班，都是大好前途的，就這樣死了……」Polly道：「好彩我冇事！Touch wood！」只惦着自己。
「是兩個清潔阿姐。」
原來搭小巴時，有個頑固的阿伯不肯戴口罩，明顯違例但乘客奈他不何，司機不肯開車，眼看累人遲到。
「你知清潔阿姐（也應是阿嬸）幾好火氣，一輪嘴鬧到他要戴，但又發晦氣，唔遮鼻，鬆落口，結果口角動粗，小巴撞車又撞石壆……」
Polly第一反應是：「啊，我知，那個琼姐和雲姐好惡㗎，有一次佢地冇換新廁紙，我要自己拿，放在旁滑跌落地，佢地在我背後單打了半個月有多。」
所以每次上廁所，雙方都黑口黑面。
「算啦，人都走了，環境唔好，都服務咗咁耐，我地人人夾D錢做帛金，樓下管理處會代收畀家人──」
「夾你個頭！又唔熟，又冇交情，開善堂咩？」
有點小器，也是大都會的勢利白鴿眼。「慈善」要開心，冇心，也不能強迫。Polly拒絕夾錢。
各人有自己的煩惱，她近月的佣金收入也大不如前。
到廁所洗臉抖擻一下。
廁所有盞燈壞了，大鏡反映一閃一閃的，她洗手敷臉再補妝，無論怎麼沮喪也要煥發見人──
忽然之間，好頭痛！似有重鎚、重壓，轟然作響，有同事見狀，忙扶她出去休息。
但也有點避忌：
「Polly你不是中招吧？現在每日都有百幾人確診……」
「怎會？我只是頭痛。」
「但你面色好得人驚。」同事疑惑：「灰白的！」（明續）