【本報訊】武漢肺炎不斷在娛樂圈蔓延，藝人施匡翹早前確診，潛伏期曾到新城電台和無綫工作，其間沒戴口罩，令兩大機構要封台封城大消毒。昨日又有一名新城營業部員工初步確診；而62歲知名時裝設計師鄧達智亦初步確診，現時在家中隔離。
曾訪港台新城 劉天蘭檢測
新城電台昨稱營業部員工在家工作期間收到初步確診通知，「新城電台從疫情開始，一直做足預防措施，新城電台亦分別7月19日及7月22日整個辦公室進行兩次全面消毒大清洗，安置兩部大型清新空氣淨化機，稍後會添置一部體溫探測機，以確保同事安心」。 據悉，該營業部員工曾與日前確診的新城知訊台執行總監程凱欣和新城董事總經理宋文禧飯敍，消息指「唔戴罩開咪」的程凱欣中招後，其節目拍檔陳美思和操作員已送往隔離營，但宋文禧免卻隔離，更有傳下令做節目不戴口罩的非程凱欣而是宋文禧。新城DJ范振鋒昨如常返新城開咪，稱未聽過高層下令禁開咪時戴口罩。
初步確診的鄧達智接受電話訪問表示因醫院床位不足，現時在元朗家中自我隔離，等衞生署安排車接去醫院，「剛量完體溫係36.5℃，星期一發覺自己唔舒服，後來有幾聲咳，有少少發燒，醫生朋友嚟我屋企幫我做test，噚晚初步確診，而Clement（老公）就陰性，冇事」。鄧透露曾到新城、港台及三聯網台工作，「新城有好多錄音室，三聯嘅女PR後來又確診，所以我都唔知喺邊度傳染到」。
鄧達智本月11日曾與徐小鳳及黃淑儀等飯敍，16日則與劉天蘭及馬恩賜在港台做節目，劉天蘭她昨稱已安排星期一做深喉唾液測試：「嗰晚我哋全程戴口罩，我一啲都冇唔舒服，擔心都冇用，驗咗先」。港台傳訊總監伍曼儀表示鄧達智當晚用的直播室已消毒，並聯絡相關人士要隔離做測試。黃淑儀亦表示已過14日並無不適。