武肺嚴重打擊經濟，不過陳偉成（Avis）的健身店卻疫巿開分店，因為他與股東去年已計劃今年要開多兩間，並一早跟業主簽下租約，無路可退下，兩分店成本預計要斥資至少600萬，將如期9月開張。
Avis昨日接受《蘋果》訪問時說：「我哋都睇到疫情好反覆，但一早簽下租約，冇得取消，兩店呢幾日開始裝修，新店會如期9月照開，希望快啲疫情緩和。」今年3月政府因疫情曾勒令健身室關閉，停業約一個月，當時Avis都咬實牙關撐着：「5月重開時，生意係慢慢返番嚟，嗰時我哋對9月開兩間多咗信心，估唔到呢個月又要停業。」他表示有跟新店的業主商議：「其中一間新店嘅業主主動話畀多半個月免租期，另一間業主唔肯，雖然有擔心，都縮唔到。」