繼鄭敬基夫婦早前返回加拿大，聲言會打國際線繼續抗爭後，電影《十年》導演歐文傑原來亦「走佬」到加拿大，他離港前接受商台節目《1圈圈 星光背後》訪問時，歐文傑指國安法實施後，直認因此恐懼，所以上月中開始，已有考慮「走佬」的念頭。
歐文傑說：「我唔會叫係移民，係『走佬』，因為走得好急，乜嘢都冇計劃，拎住本護照就上機！𠵱家着黑衫行出街、舉張白紙都會被捕，喺香港拍嘢、講嘢都有太多顧慮，再冇乜嘢言論自由。」不過他強調自己不是放棄香港，只是想以香港人身份繼續為自由發聲，又直言不覺得自己拖累《樹大招風》被內地封殺，他說：「最難過反而係《十年》被落畫，連日場爆都要落畫﹖同我過去認識嘅香港電影好唔一樣，喺最後嘅座談會，我好唔開心，係喊咗出嚟！」