梁詠琪（GiGi）一向給人正面形象，早前她便透過概念新碟中的歌曲及以「說書人」身份分享床頭故事，希望把更多的正能量發放給歌迷。日前GiGi變身「說事人」分享了曾險踏入鬼門關的素食者兼精進料理導師Jeffrey的真人真事，勉勵大家逆境中總能找到曙光。
撰文：鄉奈人、倩宜
攝影：仇志德
梁詠琪早前推出概念專輯《PRELUDIO》，今次有別於過往，她透過三首歌及六個有教育意義的床頭故事向歌迷發放正能量，日前GiGi再變身「說書人」分享一個被素食改變了人生的真人真事，希望讓更多人認識素食之餘，也學習在逆境時保持樂觀心態，克服困難，她說：「我真係好鍾意聽別人嘅故事，因為每個故事，都可以影響到唔同嘅人。」
曾為無綫藝員
今次主角是現年46歲的林雲中（Jeffrey），他是首個在日本考獲精進料理課程證書的香港人，1997年在日本大學畢業後返港，卻加入無綫藝員訓練班，畢業後拍過不同劇集，正當以為努力開拓星途之際，Jeffrey身體忽然出毛病，他說：「讀完書做嘢無幾耐就病，病到唔可以做嘢，去到後期個肚脹晒，生晒毒瘡、胸口又凹晒，腳又黑，醫生只係叫你照嘢檢查，我仲試過飲符水、針灸，最後有人叫我試吓食素。」但Jeffrey起初不懂素食，反而弄致營養不良，後來認識一些已食素多年的朋友，他們教Jeffrey養生、打坐及改變生活上的壞習慣，結果令體內的毒素自然排走，身體漸漸康復。
Jeffrey坦言當日學「精進料理」是另一件艱苦的事：「嗰時有朋友提議我夾少少錢一齊做生意，於是我辭職攞住啲積蓄去日本學，除咗精進料理，仲讀咗好多唔同課程。但點知學完返嚟提議做生意啲人走晒，又覺得自己跌入谷底。」Jeffrey隨後煮給周圍的人吃，不停自我練習，最後索性開班。其實GiGi也是Jeffrey的學生，她說：「因為媽咪食素，自己都受感染，喺屋企都會盡量食素，𠵱家決心仲大，甚至想影響身邊嘅人一齊學整素食，所以覺得如果有心都唔係太難，接觸到素食係一種福氣。」Jeffrey即場解釋「精進料理」，其實是由中國僧人於千多年前傳入日本，意思是不使用任何肉類或海鮮，以五色（白、黄、赤、青、黑）、五味（甘、酸、辛、苦、鹹）及五法（生、煮、燒、炸、蒸）烹調的純素料理，當日GiGi還即席跟Jeffrey學煮「精進豆乳五色冷麵」。
學識睇遠睇闊
GiGi形容Jeffrey的故事很有感染力，當中有值得學習的地方，「希望當大家覺得人生好慘；覺得不幸嘅事總係發生喺自己身上嘅時候，只要睇遠啲同睇闊一啲，就會發現其實好多人都經歷唔同嘅苦，咁就發現自己嘅其實係好小事。」GiGi勉勵大家無論幾壞的環境都會過去，一定可以在困境找到出路。